Udhëpërshkrime shqiptare – Shqipëria dhe shqiptarët në veprat e udhëtarëve dhe misionarëve të huaj 1800-1945

Libri: Udhëpërshkrime shqiptare – Shqipëria dhe shqiptarët në veprat e udhëtarëve dhe misionarëve të huaj 1800-1945
Autor: Durim Abdullahu
Botoi: Bibloteka Kombëtare e Kosovës “Pjetër Bogdani”
Formati: 15x25cm
Faqe: 160
ISBN: 9789951130752

“Udhëpërshkrime shqiptare” është një katalog bibliografik i shkruar për një koleksion prej 70 veprash, që plotësisht ose pjesërisht kanë formën tekstuale të udhëpërshkrimeve, e të cilat përcjellin histori udhëtimesh të bëra nëpër Shqipëri, nga fillimi i shekullit të XIX deri në mes të shekullit XX.

Të gjitha këto vepra janë shkruar nga autorë jo shqiptarë – kryesisht francezë, anglezë, gjermanë dhe italianë – e të përkthyera të gjitha në gjuhën shqipe. Këto vepra janë përzgjedhur dhe strukturuar nga autori i këtij katalogu, Durim Abdullahu, si pjesë e një projekti të tij të përkrahur financiarisht nga Ministria e Kulturës, Rinisë dhe Sportit e Republikës së Kosovës. Ideja e këtij projekti ka qenë identifikimi i librave udhëpërshkrues që ruan Biblioteka Kombëtare “Pjetër Bogdani” dhe pasurimin e fondit të këtyre librave me vepra që mungonin në këtë bibliotekë.