Sikur zëri yt të përqafohej

Titulli: Sikur zëri yt të përqafohej
Gjinia: Poema
Autori: Rumi
Shqipëroi: Agron Islami
Shtëpia botuese: Ajan
Viti: 2022
Fq. 232

Gjithçka lind nga një akt dashurie. Bota vetë zë fill ashtu. Gjithë gjindja sot, pas rraskapitjeve e molisjeve, i drejton përsëri sytë e shpirtit kah Rumiu për të ndier e shijuar këtë përvojë të mrekullueshme, çliruese e shëruese. Himnet më të bukura kushtuar dashurisë, lartësisë së shpirtit, bukurisë sublime, të fshehtave të kozmogonisë shndrisin këtë herë në kopshtin e Rumiut, sjellë në shqipen e rrjedhshme të Agron Islamit, përmes një leksiku të larmishëm, të saktë dhe një sintaksë të pastër e të embël.

Përzgjedhja Sikur zëri yt të përqafohej është përkthyer me përkushtim e dashuri.
Ajo e reflekton bukurinë mahnitëse dhe thellësinë e vargjeve të Rumiut.Aty ka krijime mbi njeriun,dashurinë,miqësinë,lumturinë,vetminë,
të vërtetën,bujarinë,të mëshirshmen,harmoninë,mirëkuptimin ndërnjerëzor,shpresën…