Si të flasim me këdo

Titulli: Si të flasim me këdo
Origjinali: How to talk to anyone
Gjinia: Udhërrëfyes praktik
Autori: Leil Lowndes
Shqipëroi: Elvi Sidheri
Shtëpia botuese: Pema
Fq. 348

A nuk i admironi edhe ju njerëzit e suksesshëm që duket se “kanë gjithçka në dorë”? i shihni teksa flasin plot vetëbesim nëpër takime biznesi, ose qetë – qetë nëpër festa me shoqërinë. Ata gëzojnë punët më të mira, partnerët më të bukur, miqtë më të spikatur, llogaritë bankare më të majme e vendbanimet më në modë.

Nuk janë më të shkolluar se ju. As më të pashëm se ju! Ndaj dhe, si është kjo punë? Çështja qëndron në faktin se këta njerëz kanë një mënyrë më të shkathët për t’u marrë me qeniet e tjera njerëzore.

Në librin “Si të flasim me këdo”, autorja ndërkombëtare bestseller Leil Lowndes shpalos sekretet dhe psikologjinë e komunikimit të sukesshëm. Me 92 mjeshtëri të vogla ju do të mësoni, ndër të tjera:

• Të “zotëroni” festat siç “zotërojnë” politikanët dhomën.
• Të bëni njerëzit për vete.
• Të përdorni fjalë dhe fraza kyçe për të drejtuar bisedën.
• Të përdorni gjuhën e trupit për të krijuar lidhje.