Në brendësinë e unit

Libri: Në brendësinë e unit
Autor: Fejzulla Arifi
Rencensent: Metush Sulejmani
Lektor: Ismail Bilalli
Shtypi: Print ISM
Formati: 14x22cm
Faqe: 48

Çdo personalitet është individ, por çdo individ nuk është personalitet. Individi për t’u bërë personalitet duhet para së gjithash të njoh vetveten mirë, e që të njoh vetveten mirë duhet të hulumtojë botën e tij të brendshme. Bota e jashtme mund të ndryshojë të brendshmen, kurse e brendshmja mund ta sundojë të jashtmen. Pra, gjithmonë kemi këto dy botë në mes të së cilave qëndron personaliteti ynë. Të qëndruarit në mes të këtyre dy botëve është punë e vështirë, por e domosdoshme.

Domosdoshmëria na shtyp nga jashtë, kurse liria shpërthen nga brenda. Ai i cili gjendet në mes kësaj shtypje dhe këtij shpërthimi jemi ne, është Uni ynë. Këto shtypje dhe shpërthime janë të panderprera, që fillojnë nga lindja dhe mbarojnë me vdekjen, e kjo dramë e përditshme brenda hapësirës dhe kohës është jeta që fillon si një dhuratë dhe mbaron si një borxh.