Lufta e Parë dhe e Dytë Ballkanike si dhe Konferenca e Londrës 1912-1913
Libri: Lufta e Parë dhe e Dytë Ballkanike si dhe Konferenca e Londrës 1912-1913
Autor: Raymond Poincare
Botoi: Logos A
Formati: 14X20cm
Faqe: 528
ISBN: 9989583153
Ky libër, i titulluar “Lufta e parë dhe e dytë Ballkanike si dhe Konferenca e Londrës (1912 1913)” është një bashkim i krerëve që flasin kryesisht për Ballkanin, të marrë prej dy librave të shkruar nga akademiku Rajmond Puankaré (Raymond Poincaré), i cili në vitin 1912 ka qenë njëkohësisht kryeministër dhe ministër i Punëve të Jashtme të Francës dhe që prej vitit 1913 president i saj.
Z.Puankare librin që përshkruan ngjarjet e vitit 1912 e ka titulluar “Ballkani në flake (Les Ballkans en feu)” dhe atë të vitit 1913 “Europa e armatosur (L’Europe sous les armes)” . Fillimi i Konferencës së Londrës përshkruhet në librin e parë dhe vazhdimi në të dytin, ku përfshihet dhe Konferenca e Bukureshtit, e cila u zhvillua krahas saj. Të dy librat janë shkruar mbas Luftës së Parë Botërore dhe janë botuar në Paris më 1926. Ne të dy këta libra R. Puankare ka dhënë edhe për Ballkanin shumë fakte të rëndesishme historike, të cilat lidhen drejtpërdrejt me krijimin e shtetit modern shqiptar.
