Dyzet net, pjesa e gjashtë

Libri: Dyzet net VI
Autor: Metin Izeti
Botoi: Logos A
Shtypi: Focus Print – Shkup
Formati: 15x21cm
Faqe: 530
ISBN: 9789989587962

Krah për krah me konceptin e prerë metafizik, ne përjetojme një zbulim jo më pak të qartë të një natyre psikologjike: domethënë, zbulimin se mendja njerezore (në të cilin term përfshijmë mendimin e vetëdijshëm, imagjinatën, botën e ëndrrave, intuitën, kujtesën etj.) mund të funksionojë vetëm në bazë të përceptimeve të siguruara me parë pikërisht nga ajo mendje në tërësinë e tyre, apo në disa prej elementeve përbërëse.

Kjo do të thotë se ajo nuk mund të përfytyrojë apo të formojë një ide për dicka që është plotësisht jashtë sferës së eksperiencave të përjetuara më parë. Prandaj, kurdo që arrijmë në një ide apo imazh mendor në dukje “të ri”, ‘, me një shqyrtim më të hollësishëm zbulojmë se edhe sikur të jetë i ri si entitet i përbërë, ai nuk është realisht i ri në lidhje me elementet përbërëse, sepse këto janë pandryshueshmërisht të përftuar nga përvojat e mëparshme mendore, nganjëherë krejtësisht të ndryshme, të cilat tani janë bashkuar në një kombinim të ri, apo në një varg kombinimesh të reja.