Autor: Gül İrepoğlu
Përktheu: Eta LLambro
Botuesi: Shtëpia Botuese “Fan Noli”

Kur sjell ndërmend ato ditë, më ngjallet i njëjti tmerr e dridhem deri në palcë.
E sado që unë përpiqem, ato kujtime nuk më lënë të qetë, më ndjekin çdo çast si një makth i pasosur. Sido që të shmangen dhimbjet e lemerishme, do të qe e pamundur ta përballoje ekzistencën e këtyre dhimbjeve torturese. Jo, nuk është dhimbja fizike ajo që më bën të rënkoj sa herë që e sjell ndërmend. Një vendim. Vendimi më i vështirë që një njeri mund të ndëmarrë. Një situatë e pazakontë. Një propozim i pazakontë. Një përgjigje e pazakontë. I vullnetshëm.
Ai vendim më ndryshoi krejt jetën. Dhe ja ku jam. Në vendin ku më takon. Në Harem. Në pozicionin që duhet të mbaj. Atë më të jashtëzakonshmin, sipas rrethanava.