Dashuria e Talatit me Fitnetin

Libri: Dashuria e Talatit me Fitnetin
Autor: Sami Frashëri
Botoi: Logos A
Shtypi: Focus – Shkup
Formati: 14x20cm
Faqe: 116
ISBN: 9989580189

Romani “Dashuria e Talatit me Fitnetin” (Taagsuk- i Tal’at ve Fitnat), botuar për herë të parë në Stamboll, më 1872, është vepra e parë e Sami Frashërit në gjuhën turke dhe romani i parë i shkruar me metodën evropiane në letërsinë turke. Kur e shkroi romanin Samiu ishte djalë njëzet- njëzetenjë vjeç.

Veç botimit të parë (me shkrim arab) në të gjallë të Samiut, romani, falë punës së Dr Sedit Yuk-selit, profesor në Universitetin e Ankarasë, ka njohur në Turqi edhe dy ribotime me shkrimin latin, më 1964 dhe më 1979. Pastaj, është dhënë dy herë në Radio dhe është interpretuar nga TV turk. Kjo flet mjaft per interesimin e opinionit turk për këtë vepër.