Libri: Shkrime historike
Autor: Ali Vishko
Redaktor: Nebi Dervishi
Recensente: Skender Asani dhe Besnik Rameti
ISBN: 9786084897248
Botoi: Instituti i Trashëgimisë Shpirtërore e Kulturore të Shqiptarëve – Shkup

Ali Vishko nga vitet 50 të shek. XX e derisa i mbylli sytë, 12 qershor 2009, krahas punës së tij prej mësuesi, profesori e pedagogu, me tërë qënien e tij iu përkushtua punës kërkimore – shkencore për studimin e të kaluarës sonë nga parahistoria (epoka e bashkësisë primitive) e deri në ditët tona.

Po të ndiqet me kujdes veprimtaria e tij në këtë fushë, mund të vërehët se ai gjatë gjithë kësaj periudhe ia doli të arrijë rezultate gjithnjë të mira, t’i thellojë e ti zgjerojë njohuritë në kërkimin dhe ndriqimin e të vërtetës në historinë tonë. Kontributi dhe vendi i tij në historiografinë tonë të trevave lindore shqiptare dhe më gjerë është e një rëndësie jo të vogël, për çka flasin veprat e tij, si: “Manastiri me rrethinë në gjysmën e dytë të shek. XIX”, ,”Teqeja e Tetovës dhe veprimtaria në të në periudhën e kaluar”, “Historia e kohës së vjetër”, “Letërsia e kohës ilire, Shën Hieronimi”, “Kryengritja shqiptare e vitit 1910”, “Kryengritja e Dervish Carës”, “Veprimtaria e Deroish Himës”, , “Kryengritja shqiptare e vitit 1913 në shtypin e huaj”, “Iliria dhe llirët e jugut në të dhënat antike dhe studimet bashkëkohore” etj., të cilat kanë lënë gjurmë në historiografinë tonë kombëtare. Shkrimet e këtij vëllimi të botuar në këtë përmbledhje, janë vetëm një pjesë e punimeve të përzgjedhura nga kontributi që ka dhënë prof. dr. Ali Vishko, të botuar nëpër revista shkencore, gazeta ose edhe që nuk janë të botuara ose për herë të parë e shohin dritën e botimit.