Libri: Said Najdeni – Hoxhë Voka Hafiz Sherif Langu
Autor: Mahmud Hysa
Recensent: Xhevat Gega, Agron Tufa, Ruzhdi Lata
Redaktor: Shefqet Zekolli
Botoi: Instituti i Trashëgimisë Shpirtërore e Kulturore të Shqiptarëve – Shkup
ISBN: 9786084653172

Studimi integral për dy veprimtarë më të shquar të Dibres, Said Najdenin alias Hoxhë Vokën dhe Hafiz Sherif Langun që hyjnë në kolazhin e këtij studiuesi dibran mjaft produktiv i cili merret ekskluzivisht me studimin e letërsisë shqiptare, është më se i qëlluar pse kemi të bëjmë me veprimtarë që nuk i takojnë vetëm këtij qyteti, por mharë letërsisë dhe veprimtarisë kulturore dhe politike kombëtare. Natyrisht se është shkruar gjer më tani për të dy këta veprimtarë në formën e artikujve, por studimi monografik shkencor që u është përkushtuar dy veprimtarëve është i rëndësishëm për dy arsye: janë nxjerrë nga anonimiteti provincial, nga prapaskena, nga pluhuri i harresës ku kanë qëndruar gjer më tani, veçmas veprimtari i dytë dhe janë vendosur në kontekstin e barabartë me veprimtarët tjerë të Lëvizjës dhe të Rilindjes Kombëtare atje ku e kanë merituar dhe e meritojnë realisht dhe objektivisht.