Përshkrimi
Libri: Fjalor i termave dhe nocioneve linguistike
Autor: Qemal Murati
Recensent: Kujtim Kapllani dhe Rami Memushaj
Botoi: Instituti i Trashëgimisë Shpirtërore e Kulturore të Shqiptarëve – Shkup
ISBN: 9786084653578
Korpusi i këtij Fjalori përmban mbi 666 terma, nocione dhe konceptime linguistike themelore të fushës së gjuhësisë: të fonetikës, morfologjisë, leksi-kologjisë, sintaksës, sociolinguistikës, etnolinguistikës, gjuhësisë së përgjithshme, semiologjisë, komunikimit etj. Në këtë fjalor janë përfshirë terma dhe nocione të përgjithshme të gjuhësisë, si dhe mjaft terma të rinj të krijuar dhe të vënë në qarkullim në gjuhësi kohët e fundit, të cilët nuk figurojnë në manuale linguistike fjalorësh. Fjalori përfshin terma dhe nocione të reja linguistike, si: blende, etnografia e komunikimit, idiomë e kulturës, medialekt, situatë gjuhësore, kosovarishte, kosovarizëm, evropeizëm, si dhe terma të linguistikes klasike: kentum, satem, metafoni, apofoni, rotacizëm.
Për të qenë ky fjalor sa më i plotë e giithëpërfshirës, janë përfshirë këtu dhe emërtime dhe nocione që kanë të bëjnë me gjuhën shqipe dhe dialektet e saj në faza të ndryshme të zhvillimit të kësaj gjuhe, si: protoshqipja, ilirishtja, shqipja e lashtë, shqipja e mesme, shqipja moderne, shqipja standarde, shqipja popullore, çamërishtja, toskërishtja, gegërishtja; terma dhe koncepcione që lidhen me emrin dhe botën studimore të kësaj gjuhe (albanistikë, albanolog, albanologji, albanishtja, albanizëm, albanikanizëm), gjuhë e dialekte të Ballkanit me të cilat shqipja ka pasur kontakte dhe të marrë e të dhënë (pellazgjishtja, trakishtja, greqishtja, sllavishtja e vjetër, maqedonishtja, maqedonishtja, bullgarishtja, serbishtja, arumanishtja, atikishtja, romishtja, sefardishtja, osmanishtja), dhe familja gjuhësore indoevropiane.
