Letërsia në shkolla dhe në fakultete

Libri: Letërsia në shkolla dhe në fakultete
Botoi: Instituti Albanologjik i Prishtinës
Lektor: Fadil Grajcevci
Formati: 16x22cm
Faqe: 244
ISBN: 9789951411615

Jam i nderuar t’i hap punimet e sesionit Letërsia në shkolla dhe në fakultete, të organizuar nga Dega e Letërsisë e Institutit Albanologjik të Prishtinës. Tema Që po trajtojme sot ka qenë e përfshirë ndër projektet e Institutit për vite me radhë. Kufizimet buxhetore, me të cilat në vijimësi po përballemi, e kanë bërë të pamundur deri tani realizimin e saj.

Ndryshimet rrënjësore shoqërore, që kanë ndodhur kudo në trojet etnike shqiptare, kanë krijuar një ambient të ri edhe në sferën e vlerave kulturore përgjithësisht. Perëndimi i monizmit politik e kulturor dhe rikthimi në skenë i shumë vlerave e autorëve të ekskomunikuar domosdo e ka shtruar nevojën e qasjeve të reja lidhur me përmbajtjet letrare në librat dhe në planprogramet tona shkollore të letërsisë.