Gjuha Shqipe 3/2015
Libri: Gjuha Shqipe 3/2015
Botoi: Instituti Albanologjik
Kryeredaktor: Qemal Murati
Faqe: 172
Prej se është shpallur e Krijuar, në Kongresin e Drejtshkrimit te Gjuhës Shqipe, në vitin 1972, në Tirane, dhe e pranuar prej shqiptarëve në të gjitha trojet e tyre, gjuha e njësuar letrare kombëtare, tani e quajtur me shpesh, gjuha standarde, vazhdon të jetë e kritikuar apo, madje, e mohuar prej dy anësh, në të vertetë prej dy fronteve: prej frontit që mund të quhet politik e ideologjik dhe prej frontit që mund të quhet krahinor e dialektor.
Megjithëse partizanët e këtyre dy fronteve, argumentet e tyre me të cilat i kritikojne qoftë edhe parimet themelore te saj apo, madje, e mohojnë në tëresi dhe kërkojnë Kongres të ri, megjithëse, pra, partizanët e këtyre dy fronteve argumentet e tyre i quajmë kur shkencore, kur historike e kur thjesht kulturore, është e padyshimtë se ato kanë karakter në njëren anë politik e ideologjik, kurse në anën tjetër krahinor e dialektor.
