Gjuha Shqipe 1/2010

Libri: Gjuha Shqipe 1/2010
Botoi: Instituti Albanologjik
Formati: 17×24
Faqe: 118

Në Evropën e sotme të demokracisë linguistike, kur behet fjalë për të drejtën e përdorimit të gjuhëve, kombet e qytetëruara kanë krijuar modele të ndryshme të përdorimit të tyre nga më progresivet në situata dhe realitete të reja. Në këtë kontekst, linguistika ka evidentuar dhe termin “situatë gjuhësore” – situatë ku nxënësi është i detyruar të mesojë dhe të përdorë në shkolle gjuhën e bashkësisë (komunitetit) ku banon dhe jo gjuhën e vet amtare.

Për këtë situatë sot ka filluar të flitet në disa vende të bashkimit evropian, ku ekziston bilinguizmi me kushtetutë, si p.sh. në Belgjike. Kjo situate natyrshëm krijon probleme, por shtron edhe disa detyra për bashkësinë (shkollën) dhe individin (nxënësin), të cilat zgjidhen sipas ligjeve kushtetuese dhe të didaktikës, duke marrë parasysh edhe moshën e nxënësit.