Përshkrimi
Libri: Aspekte të studimeve Albanologjike
Autor: Sadri Fetiu
Lektor: Fadil Grajçevci
ISBN: 9789951596732
Faqe: 560
Formati: 14x20cm
Prof. dr. Sadri Fetiu’ është emër i njohur në shkencën shqiptare, por edhe një zë i veçantë lidhur me zhvillimet e përgjithshme kulturore e shoqërore në hapësirën shqiptare. Në 70-vjetorin e lindjes ai vjen në tri dimensione si njëri ndër personalitetet tona më të shquara shkencore, kulturore e shoqërore të dekadave të fundit.
Së pari, bibliografia e tij e pasur do ta shquajë ndër studiuesit më të dalluar të trashëgimisë sonë shpirtërore e kulturore përgjithësisht, si autor monografish, studimesh shkencore, si mbledhes, përgatites profesional dhe botues të letërsisë sonë popullore, si njohës të mirë edhe të krijimtarisë sonë autoriale letrare (madje edhe si autor letrar), vlerësues kritik të problemeve e të proceseve kulturore ndër ne (duke e vënë theksin veçmas te deformimet si rezultat i ndryshimeve shoqërore dhe qasjes tendencioze e joprofesionale të qarqeve të caktuara klanore).
