Përshkrimi
Libri: Albanologji 5/2014
Botoi: Instituti Albanologjik
Lektor: Leonita Gega-Musa dhe Hysen Matoshi
Formati: 17×24
Faqe: 530
Vëllimi II
Punimet nga aktiviteti shkencor: Java e Albanologjisë i mbajtur më 16-18 qershor 2014.
Në këtë punim do të trajtohen çështje që kanë të bëjnë me ndikimin e teknologjisë në prodhimin e folklorit. Do të trajtohet koncepti për folklorin, për kufijtë e këtij koncepti dhe mundësitë e zgjerimit sot kur folklori përballet me përparimet teknologjike, si edhe çështja e statusit të rrezikuar të folklorit, në rast se ai vazhdon të konceptohet si i tillë çfarë ishte në të kaluarën.
Nëpërmjet shembujve nga folkloristika ndërkombëtare, do të përpiqemi të hedhim dritë mbi konceptin për folklorin, për statusin e tij në studimet shqiptare, për idenë e zgjerimit të këtij koncepti në përshtatje me zhvillimet në terrenin shqiptar (në botën reale edhe virtuale), si edhe për nevojën urgjente të harmonizimit të kësaj disipline akademike me rjedhat e zhvillimit të saj në botë.
