Përshkrimi
Titulli: Maqedonia nga antika deri te koha jonë
Autor: Jusuf Buxhovi
Redaktor: Ramadan Musliu
Botues: Ramiz Tafilaj, Nazmi Rrahmani
Shtypi: Prograf – Prishtinë
Nën kujdesin e Shtëpive botuese ‘Faik Konica” nga Prishtina dhe “Jalifat Publishing” nga Hjustoni i SHBA-ve, është botuar libri – monografi, “Maqedonia nga antika deri te koha jonë” i Jusuf Buxhovit.
Studimi monografik mbështetet mbi konceptin se Maqedonia nga antikiteti, mesjeta e deri te koha jonë është pjesë e botës ilire-dardane.
Libri përfshinë të gjitha periudhat historike që ka kaluar territori i Maqedonisë së sotme, sidomos ato më të përfolurat, mesjetën dhe zhvillimet pas Krizës Lindore, duke kontestuar shumë prej konstatimeve të historiografisë serbe, lidhur me këto periudha.
Ndërsa, nuk ka lënë jashtë vëmendjes edhe zhvillimet në këtë pjesë pas triumfit të komunizmit në ish- Jugosllavinë Socialiste dhe proceset që përfshinë vendin deri në ditë e sotme.
Autori, duke u përqendruar te faktorët etnikë, shoqëror-politik dhe kulturor në një vazhdimësi mbi dy mijë vjeçare, në trekëndëshin e mbretërive maqedone, dardane dhe asaj epirote, nxirret në pah një identitet i caktuar historik me trashëgimtar të vetëm shqiptarët e sotëm.
Në këtë vepër voluminoze, jo vetëm që plotësohen me argumente të tjera disa nga tezat e shfaqura në monografinë “Kosova”, po të këtij autori, në tetë vëllime rreth ndërlidhjes së ilirëve me pellazgët dhe të rolit të madh të Dardanëve e Dardanisë në formimin e perandorive të mëdha botërore: Trojës, Romës dhe të Bizantit me ç’rast ata shihen edhe si shtrat i qytetërimit antik.
