Bllaca dhimbja e lirisë

Libri: Bllaca dhimbja e lirisë
Autor: Emin Azemi
Botoi: Instituti i Trashëgimisë Shpirtërore e Kulturore të Shqiptarëve – Shkup

Libri i konceptuar si kronikë kujtimesh personale të autorit, dhe i kombinuar me kontribute të autorëve të tjerë, që asokohe ishin botuar në gazetën e përditshme “FAKTI”, përmban një kronikë të gjatë të ngjarjeve që lidhen me eksodin e para 20 viteve.

Në shiritin e kujtesës së autorit kanë ngelur shumë detaje, rrëfime, imazhe, e mbi të gjitha shumë fytyra pleqsh të shqetësuar, tronditje grash e fëmijësh të trishtuar, dhe shumë të humbur e të hutuar në labirintin e ferrit të Bllacës, aty ku gjatë ditëve të ftohta të mars/prillit 1999 po vihej në skenë një prej tragjedive më makabre të njerëzimit.