Përshkrimi
Libri: Gjurmime albanologjike – Seria e shkencave historike 43/2014
Botoi: Instituti Albanologjik
Lektor: Hysen Matoshi
Formati: 17x24cm
Faqe: 396
Në trevën e Mitrovicës së sotme janë evidentuar gjurmët e periudhave të ndryshme duke filluar nga periudha e neolitit dhe e broncit në Zhitkovc, Fafos I dhe Fafos II, Vallaç e Soçanicë (nga të cilët me reprezentative janë figurat e idhujve antropomorf, të qenieve fantastike dhe të stolive dhe gjësendëve të tjera që i përkasin “kulturës së Starçeves” dhe të “kulturës së Vinçës”), si dhe të periudhës së hekurit afër lumit Lushta ku, si zbulime rasti, janë evidentuar gjurmët e para të qyteterimit dardan në këtë trevë.
Pas pushtimit të këtyre viseve nga romakët aty kishin filluar të përdoren monumentet epigrafike, të dhenat nga mbishkrimet e të cilëve dëshmojnë gërshetimin e ndikimeve të qytetërimit dardan, të atij romak, grek dhe të qytetërimeve orientale.
