Përshkrimi
Libri: Gjurmime albanologjike – Seria e shkencave historike 39/2009
Botoi: Instituti Albanologjik
Lektor: Hysen Matoshi
Formati: 17×24
Faqe: 432
Kryengritja e vitit 1911 në Malësine e Mbishkodrës ishte paralojë e asaj të vitit 1912. Acarimi i gjendjës ekonomike dhe politike e bënte konfliktin e armatosur kundër qeverisë të pashmangshëm. Lufta e mëtejme politike – parlamentare ishte një bjerrje kohe. Të kota qenë përpjekjet e deputetëve shqiptarë (të prirë nga I. Qemali dhe H. Prishtina) për të kërkuar edhe një herë zbatimin e reformave gjithëpërfshirëse – politike, ekonomike e kulturore në Shqipëri.
Nuk doli gjë as nga perpejkja e H. Prishtinës (janar 1912) per t’ia mbushur mendjen Asim Beut, ministër i Jashtëm, se ishte pikërisht në interesin e Perandorisë Osmane që qeveria të deklaronte zyrtarisht kufijte e Shqipërisë. Qeveria xhonturke i bëri veshët të shurdhër ndaj kërkesave kombëtare të shqiptarëve që deputeti i tyre i shpalosi edhe një herë në parlament, me 11 janar 1912.
