Boksitet e Dukagjinit

Libri: Boksitet e Dukagjinit
Autor: Minir Dushi
Botoi: Akademia e Shkencave dhe e Arteve e Kosovës
Lektor: Shefqet Riza
Formati: 16×24
Faqe: 232
ISBN: 9789951615440

Duke ndjekur me vëmendje dhe kujdes zhvillimin e hulumtimëve gjeologjike-kërkuese të zbulimit dhe të shfrytëzimit të xehërorëve të boksitit të kryera në gjysmën e dytë të shekullit XX më lindi ideja për hartimin e një studimi të veçantë monografik për boksitet e Dukagjinit.

Në këtë vepër modeste kam bërë një punë të vështirë duke qëmtuar, studiuar, përkthyer dhe mbledhur të dhëna e përfundime të punimeve vjetore, rajonale, gjeologo-kërkuese të kryera në zonën boksitmbajtëse të Gremnikut. Shumica e këtyre punimeve ishin kryer nga “Geozavodi” i Beogradit, por edhe nga disa organizata të tjera hulumtuese. Dokumentacionet përkatëse ndodhen të veçuara në përdorim arkivor, të cilat i paraqes të përmbledhura në këtë studim. Jam munduar që këtu t’i paraqese sa më mirë rezervat e zbuluara, shfrytëzimin e boksitit nga vendburimet e shumta, vëllimin e punimeve të kryera, çfarë pajisjesh e mekanizmash janë përdorur e të tjera. Me një fjalë, pasqyrohet një tablo e plotë e boksiteve të Dukagjinit nga disa pikëpamje.