Besa në traditën shqiptare

Libri: Besa në traditën shqiptare
Autor: Mark Krasniqi
Botoi: Akademia e Shkencave dhe e Arteve e Kosovës,
Lektor: Sheremet Krasniqi
Formati: 17x24cm
Faqe: 204
ISBN: 9789951413992

Në traditën e popullit shqiptar ka shumë elemente të lashta të ruajtura deri më sot, të paktën si rudimente të shkurtuara e të ndryshuara nga vërshimi i faktorëve të jetës bashkëkohore. Por, edhe në formë të tillë, janë të rrezikuara për t’u shlyer nga kujtesa, meqenëse shumica e tyre moti kanë filluar të mospërdoren në pjesën më të madhe të popullsisë në të gjitha viset tona etnike. Megjithate, një pjesë e madhe e tyre është mbledhur, studiuar dhe ruajtur, nga punëtorët tanë shkencorë, në faqe të librave, në muze, në arkiva shtetërore dhe në institucione të ndryshme shkencore e profesionale.

Madje, një pjesë e madhe e elementeve të kulturës sonë popullore shpirtërore dhe materiale është mbledhur e studiuar edhe nga autorë të ndryshëm shkencorë evropiane dhe amerikanë, të cilët janë marrë me studime albanologjike.