Aspekti etnik i migrimeve – Shqiptarët në rrjedhat e shpërnguljeve të dhunshme

Libri: Aspekti etnik i migrimeve – Shqiptarët në rrjedhat e shpërnguljeve të dhunshme
Autor: Hivzi Islami
Botues: Akademia e Shkencave dhe e Arteve e Kosovës
Lektor: Sylë Osmanaj
ISBN: 9789951615020
Faqe: 382

Në luftën e tij të pandërprerë për ekzistence, që nga homo-erectusi (njeriu i drejtuar në kembë) dhe homo-sapiensi (njeriu i vetëdijshem, i arsyeshem), njeriu ka lëvizur në hapësirë, duke e zgjeruar praninë e tij në të gjithë brezat dhe mjediset gjeografike. Si rezultat i përshtatjes së organizmit të tij në këto kontekste komplekse gjeohapësinore, si një proces tepër i mundimshëm dhe afatgjatë, është modifikuar edhe pamja e jashtme, fizike e tij.

Pastaj, gjate gjithë historisë së njerëzimit, migrimet u bënë përcjellëse të përhershme të evolucionit të grupeve dhe bashkësive popullative, si dhe të ndryshimeve kuantitative e kualitative te popullsisë dhe, deri te zbulimet e mëdha gjeografike dhe etapa e paratransicionit demografik, lëvizjet hapësinore mbeten territorialisht tepër të kufizuara dhe të motivuara para se gjithash nga faktori ekzistencial.