Arkitektura folklorike e rajonit të Prizrenit në shekujt XVIII – XIX

Libri: Arkitektura folklorike e rajonit të Prizrenit në shekujt XVIII – XIX
Autore: Shpresë Siqeca
Botoi: Akedemia e Shkencave dhe e Arteve e Kosovës
Lektor: Sylë Osmanaj
Formati 16x24cm
ISBN: 9789951615013
Faqe: 246

Libri “Arkitektura folklorike e rajonit të Prizrenit në shekujt XVIII-XIX” ka karakter studimor nga fusha e trashëgimisë etnologjike. Ai ia prezanton opinionit kosovar e botëror vlerat kulminante të arkitekturës folklorike të rajonit të Prizrenit në shekujt XVIII-XIX. Për qëllime krahasimtare janë marrë ne shqyrtim edhe disa ndërtesa më të reja të shekullit XX.

Libri u hartua në bazë të hulumtimeve të bëra gjatë kohës 1976-2010 në rajonin e Prizrenit, që përfshin komunën administrative të Prizrenit dhe pesë komuna tjera: Rahovecin, Theranden, Dragashin, Mamushën dhe Malishevën.