Pesë ditët e fundit të profetit

Libri: Pesë ditët e fundit të profetit
Autor: Tahsin Yücel
Përktheu: Liliana Papa
Redaktor: Rexhep Hida
Botoi: Shtëpia Botuese “Fan Noli”
Formati: 14x22cm
Faqe: 320
ISBN: 9789928251725

“Po jetoj një ëndërr brenda ëndrrës! Kjo vetëm kështu mund të jetë?” Pastaj, duke qenë i bindur se ishte në thellësitë e një ëndrrë, u kthye nga ana tjetër. Me t’u kthyer, trupi tij gati vetvetiu u bashkua me trupin që ndodhej mbi të duke filluar nga pika më e ndjeshme. Edhe pse sytë i mbante mbyllur, iu duk sikur po rrëshqiste në një bardhësi të pafund, po ndiente një kënaqësi të njëjtë me atë që kishte ndjerë shumë vjet më parë. Ashtu si atëherë, kënaqësia iu përhap në të gjithë trupin, deri në gjak, deri në palcë, deri në majë të gishtave dhe në rrenjët e flokëve, mbushi gjithë poret e trupit si uji që rrjedh nga Herakliti.

Ai ndjeu dridhjet e kënaqesisë si i magjepsur, pa lëvizur, pa marrë frymë, sikur dëgjonte një melodi të paarritshme, e cila buronte që nga thellësia e trupit dhe e kthente në kënaqësi gjithçka që po përjetonte dhe inderronte; ndërkohë që melodia vazhdonte plot lezet, ai dëshironte të merrte pjesë edhe vetë në këtë harmoni të paparë, si dëgjues i thjeshtë, pa u diktuar, me ndrojtje dhe po lëvizte kokën dhe këmbët që të bashkohej me atë harmoni lëvizjesh.