Përzgjedhje anatologjike – pjesa e nëntë

Në tekstet e përzgjedhura për këtë antologji nga vepra e Tüsi-t, në perzgjedhjen e parë kemi sjellë fillimisht një pjesë nga shënimet e tij autobiografike, të shkëputura nga Sayr wa sulük (Soditja dhe veprimi), e cila boshtohet kryesisht tek edukimin që pati marrë gjatë rinisë së hershme, si dhe tek hulumtimi që ndërmori në drejtim të së vërtetës. Sayr wa sulük shfaqet në formën e një letre të gjatë që Tüsi i dërgon dã T-ut kryesor të misionit Ismailit në Iran.

Ndërkaq, në pjesën e dytë të kësaj përzgjedhjeje, kemi sjelle një pjesë të shkëputur nga vepra e tij Tasawwurät (Konceptime), e cila boshtohet tek tematika: (1) pamësia rreth intelektit, rreth shpirtit, dhe epistemologjisë, të cilat në koncept shpërfaqen kryesisht një përvetësim nga Ibn Sină, porse të integruar në pamësinë e qiyamat-it (ringjalljes); (2) çështja e të mirës dhe të keqës, të cilën Tüsi e trajton në rrafshin metafizik, nën dritën e të cilit e mira mbart një realitet substancial, ndërkohe që vetë e keqja nuk është asgjë tjetër në vetvete përpos se thjesht një shmangie e të mirës; dhe (3) hermeneutika ezoterike e atyre vargjeve të Kur’anit që ndërlidhen me zanafillën e krijimit nga Zoti, dhe e rrëfimit në lidhje me Adamin dhe Iblisin, e cila simbolizon pamësinë e qiyamat-it (ringjalljes).

Në pjesën e tretë kemi sjelle dy pjesë të perzgjedhura nga Awsäf al-ashräf (Cilësitë e Fisnikut), e cila është një vepër klasike e mendimit etik.

Së fundmi, në pjesën e katërt kemi sjelle pjesë të shkëputura nga Akhlāq-i Nasiri (Etika Naseriane), e cila është edhe vepra më e njohur e mbarë mendimit etik persian dhe islam gjatë periudhës së Mesjetës’.