Motra sahabije & Jeta ime

Libri: Motra sahabije & Jeta ime
Autor: Muhammed ed-Duvejsh
Përktheu: Sadush Tahiri
Redaktor: Bedri Lika
Redaktor gjuhësor: Rolad Hysa
Redaktor teknik: Sedat Ramadani
Botoi: Nun
Faqe: 96
Formati: 14x22cm
ISBN: 9786084509394

Për çështjen e femrës, nën ndikimin e shumë faktorëve dhe rrethanave janë krijuar dhe rrënjosur shumë koncepte dhe forma bindëse, të cilat më vonë janë shndërruar në gjëra që merren apriori, njëkohësiisht duke bërë që shumica e njerëzve t’i marrin ato të gatshme pa iu qasur aspak burimit të tyre, apo nivelit të shëndetshmërisë dhe pajtimit të tyre me ligjin hyjnor (islam).

Një koncept i tillë u formua duke menduar se femra ka vecori të posacme natyrore, e me këtë edhe e dalluar në shumë çështje ligjore (të Sheriatit Islam), dispozita me të cilat ajo dallon nga mashkulli rrënjësisht. Për të bërë të qartë një gjë të tinë jemi të detyruar që të themi, se një veçori e tillë për femrën do të vlente veçse për sa u përket çështjeve të cilat konsiderohen të ndara, sepse baza është e njejte (i përfshin që të gjithë). Ligji hyjnor u drejtohet që të gjithëve, njerëzve, xhinëve, femrës, mashkullit, të vegjëlve dhe të mëdhenjve.