Zemër inteligjente – këndvështrime profetike dhe shkencore

Libri: Zemër inteligjente – këndvështrime profetike dhe shkencore
Autor: Gohar Mushtak
Përktheu: Osman Osmani
Redaktor: Hasan Bftijari
Lektor: Agim Abazi
Botoi: Furkan ISM
Shtypi: Furkan Print – Shkup
Formati: 14x22cm
Faqe: 160
ISBN: 9786082162461

Shkencëtarët e së kaluarës besonin se truri është burimi i të gjitha emocioneve që përjetojmë. Por, është treguar tani se emocionet tona janë shumë më të shpejta sesa procesi ynë i të menduarit dhe ato tejkalojnë procesin e arsyetimit linear të trurit për shkak të shpejtësisë së tyre. Meqenëse proceset e të menduarit të trurit janë shumë më të ngadalta se shpejtësia me të cilën shfaqen emocionet, emocionet nuk mund të jenë rezultat i një procesi normal të të menduarit të trurit.

Prandaj, siç tregoi LeDoux në “Truri Emocional: Themelet misterioze të jetës emocionale”, nuk është e vërtetë që emocionet e kanë origjinën në tru. Qendra e trurit që luan rolin më të rëndesishëm në përpunimin e kujtesës sonë emocionale quhet amigdala. Hulumtimet e fundit kanë treguar se zemra ndikon në këtë qendër të trurit, dhe rrjedhimisht zemra jonë ndikon në emocionet tona.