Libri: Tefsir Kur’ani – El-Gafir – En-Nas Vëllimi IV
Autor: Abdur-rahman Ibn Nasir El Sa’dij
Përktheu: Uthman Agolli
Formati: 17×24
Faqe: 640

Të gjitha falënderimet, lavdërimet e admirimet janë për Allahun, i Cili i zbriti robit të Tij Furkanin (Kur’ânin), që është dalluesi dhe qartësuesi i hallallit nga harami, i lumturisë nga trishtimi dhe i të vërtetës nga e kota.

Ky Kur’ân është libri, të cilin Allahu, me mëshirën e Tij, e bëri udhëzues për njerezit në përgjithësi dhe për të devotshmit (mutekin) në veçanti, për të kaluar nga rruga e humbjes, e mohimit (kufr), e gjynaheve dhe e injorancës, drejt dritës së besimit, devocionit e dijës.

Allahu i Lartësuar e zbriti këtë libër për të qenë shërim i zemrave nga sëmundjet e dyshimeve dhe epshit,si dhe për t’i stolisur ato me bindje, siguri dhe dije rreth çështjeve e pikësynimeve të larta. Ai e zbriti këtë libër për ta bërë edhe shërim të trupit nga semundjet, dhimbjet dhe dobësitë e tij.