Përshkrimi
Autore: Dr. Fatima bint Omar Nasif
Gjendja e myslimanëve sot dhe vuajtjet e shumicës së tyre nga prapambetja, injoranca dhe përçarja, zhveshja e tyre nga feja haptazi e fshehtazi, me fjalë e me vepra, ka ardhur si pasojë e largimit të tyre nga rruga e Allahut dhe librit të Tij, Kuranit, që është rruga e Zotit për të gjithë njerëzit.
Shumë nga synimet janë drejtuar në përkujdesjen për recitimin e Kuranit dhe rregullat e recitimit të tij.
Janë shpenzuar shumë vite e pasuri si dhe janë hapur me qindra kurse për realizimin e recitimit të saktë, nëpërmjet nxjerrjes së shkronjave dhe praktikimit të rregullave të leximit të Kuranit.
Kjo gjë, në vetvete, konsiderohet një arritje e madhe dhe një punë e lavdëruar, sidomos pasi shoqëritë islame kanë qenë, për gati një shekull, të pavëmendshme ndaj mësimit të Kuranit ashtu siç duhet.
Por, a mjafton kjo?!
A kërkohet vetëm përmbushja e rregullave të recitimit dhe texhvidit, arritja e bereqetit dhe shpërblimit?!
Ibn Mes’udi (r.a.) ka thënë me habi: “Kurani ka zbritur që të veprohet sipas tij, prandaj kthejeni recitimin e tij në vepër!”.
Zaad El-Mead: 1/328.
