Qëndrime në kohë I-VII (Vëllime)

Titulli : Qëndrime në kohë

Autori : Dr.Shefqet Krasniqi

Redaktori : Mr. Sadat Islami

Lektoroi : Labinotë Demi – Murtezi

Përgatitja kompjuterike : Jeton Svirca Tirazhi

Shtëpia botuese : Krenaria web

Falënderimet i takojnë Allahut të Madhërishëm . Vetëm Atë e adhurojmë , vetëm Atij i përulemi dhe i nënshtrohemi , ndërsa paqja dhe shpëtimi qofshin mbi të Dërguarin e Tij të fundit Muhammedin a.s. , i cili nuk ngurroi e nuk kurseu asgjë , vetëm e vetëm për ta vënë në vend fjalën e Allahut të Madhëruar , për ta sqaruar e komentuar Kur’anin fisnik , për t’i përgëzuar ata të cilët e ndjekin rrugën e tij , dhe për t’ua tërhequr vërejtjen atyre të cilët kundërshtojnë dhe mohojnë fjalën e Allahut dhe të Dërguarit të Tij . Paqja dhe shpëtimi qofshin edhe mbi shokët e tij besnikë dhe të sinqertë , të cilët me plot përgjegjësi dhe ndërgjegjshmëri e pasuan atë dhe vazhduan rrugën e tij pas vdekjes së tij , duke e përhapur dritën dhe nurin e Allahut kudo që shkonin dhe me këdo që takoheshin , duke qenë kështu shkak për përhapjen e Islamit në të katër anët e botës dhe depërtimit të tij deri tek ne këtu në Evropë . Allahu i Madhëruar na ka treguar se do të na sprovojë në këtë botë për ta shikuar se kush është më i mirë e kush më i keq , ashtu siç i pati sprovuar edhe popujt tjerë që kanë qenë para nesh . Thotë Allahu xh.sh

Disa nga temat e zgjedhura kanë qenë më të gjata e disa më të shkurtëra . Shumë nga to kam pasur dëshirë t’i elaboroj më shumë , por nga frika se po kalon në monotoni te lexuesi i kam lënë ashtu të shkurtra . Ky ka qenë edhe mendimi i vet udhëheqësit të ” Epokës së Re ” , që mundësisht mos t’i kaloj dy rubrika . Për këtë arsye , disa nga to më kanë mbetur paksa të mangëta . Ndoshta tani do t’ia vlente zgjerimi dhe kompletimi i tyre , por nga dëshira që të botohen sa më origjinale , siç kanë qenë , nuk desha ta bëj një gjë të tillë . Gjatë shkrimeve të mia jam munduar të përdori metodikën time të të shkruarit dhe ajo është e përafërt me mënyrën sesi unë i drejtohem xhematit me të folur , apo me ligjërim , sepse kështu më duket se jam më afër tyre , madje këtë e quaj edhe gjuhë të gjallë , prandaj ju kërkoj falje nëse gjuhës standarde i ikim nga pak , ani pse lektori mi ka ndryshuar disa fjalë jashtë atyre që i përdori unë . Ashtu siç jam munduar ta kem një gjuhë sa më të lehtë , duke pasur parasysh se një numër i konsiderueshëm i lexuesve janë fillestarë në çështjet fetare . Jam munduar që mos ta rëndoj shumë tekstin me ajete dhe hadithe , por të jetë sa më i lehtë . Kërkoj mirëkuptimin nëse ndonjë temë e kam lënë të mangët , mirëpo natyra e shkrimeve në gazetë është e tillë . Disa nga temat e botuara në gazetë , saktësisht dhjetë tema , i kam marrë nga libri im ” Rruga e ndriçuar ” duke dashur që me to ta përshkruaj në pika të shkurtra shëmbëlltyrën e më të nderuarit Muhamedit a.s. , e ato tema nuk do t’i botojmë në këtë libër në mënyrë që mos të jenë të botuara dy herë .