Jeta më shumë se një mundësi

Titulli: Jeta më shumë se një mundësi
Përktheu: Agron Islami
Redaktura artistike: Nagip Ismaili
Redaktura gjuhësore: Arlind Farizi
Faqosja: Rudina Çupi
Shtypi: Focus Print – Shkup
Boton: Sh.B. Ajan

Akoma vazhdon me të njëjtin këndvështrim, duke mos iu gëzuar bukurisë së ekzistencës nën rrezet e derdhura të diellit, nën stolisjen e yjeve vezulluese, nën pikat e e shiut të bekuar, në gjerësinë e horizontit, nën lartësinë magjepsëse të qiellit?

A nuk e shikon se ke para vetës kopshte të harlisura, bahçe të mbushura me blerim e lule shumëngjyrëshe, fusha të hapura sa sheh syri, liqene kaltëroshe, shkretëtira në të cilat ruhen të shkruara histori për njerëzit e parë dhe rrëfime të nomadëve besnikë.

O njeri, mirëprite këtë dhuratë me të njëjtën frymë, me kënaqësi, me gëzim e mirënjohje. Ti gjallon në teatrin e këtij universi të mahnitshëm, i cili është stolisur me Shkronjat e Lavdiplotit dhe është pikturuar me Penën e të Gjithëditurit, ashtu që ti të lexosh në të çuditë e fuqisë, të shpikjes e të gjenialitetit të Tij formëdhënës. Dil vëlla nga qelia e errët e dëshprimit, çlirohu nga retë e kobta të depresionit, dhe mos u përpëlit në rrugët e jetës, sepse jeta si gjithënjë është më shumë se një mundësi!