Përshkrimi
Libri: Izolimi – një zakon që na shoqëron tërë jetën
Autor: Selman Aude
Përktheu: Elmaz Fida
Redaktor: Agron Islami
Përgatiti për shtyp: Bashkim Avdiu
Botoi: Sira
Shtypi: Focus Print = Shkup
Formati: 17×24
Faqe: 334
Çlironi të burgosurin brenda vetes…
Shumë nga ne kurrë nuk i japin mundësinë personit të vërtetë që fshihet brenda nesh të dalë në sipërfaqe, e izolojmë atë duke shkaktuar për rrjedhojë një jetë të zbehtë dhe të palumtur. Në vend që të zhvillojmë dhe sfidojmë veten për të arritur çdo gjë që kemi potencialin ose ëndrrën ta realizojmë, shumë nga ne ecin me hapa të ngadaltë dhe të pasigurt, duke u përballur në mënyrë të çrregullt me sfidat e përditshme. Ti mund të jesh ndryshe nga këta njerëz, merr vendimin tani për ta larguar këtë ndrydhje dhe zbulo talentet unike që Zoti të ka dhënë. Ato janë atje, brenda teje, duke pritur vetëm të çlirohen nga kufizimet dhe zakonet. Hiq dorë nga frika dhe izolimi, beso se mund të arrish atë që dëshiron duke hedhur një hap në çdo kohë, duke marrë një vendim në çdo kohë, dhe duke arritur një rezultat në çdo kohë.
“Izolimi, një zakon që na shoqëron tërë jetën”
Izolim… Një fjalë që nuk e nxë fjalori, por që e nxë jeta.
Zakoni i përngjan një ore, të cilën në fillim ne e rregullojmë (sipas orës së një vendi të caktuar), e pastaj e shohim sipas nevojës, madje gjithçka e bazojmë tek ora. Kështu janë dhe zakonet, diçka që fillimisht e bëjmë vetë, pastaj na kontrollojnë ato ne!
