Politika, lufta dhe diplomacia – Anarkia ndërkombetare dhe e drejta
Libri: Politika, lufta dhe diplomacia – Anarkia ndërkombetare dhe e drejta
Autor: Muhamedin Kullashi
Botoi: Akademia e Shkencave dhe e Arteve e Kosovës
Lektor: Sylë Osmanaj
Formati: 16×24
Faqe: 206
ISBN: 9789951615068
Shqyrtimin e relacioneve midis tre termave (politika-lufta-diplomacia) dhe objekteve që emrtojnë ato në kohën moderne, do ta nisim me përkujtimin e problematikës që hapi Tomas Hobbesi, veçanërisht në veprën e vet Leviatani. Çështja nismëtare për politikën hapet përmes pyetjes: përse nje shoqëri dhe një shtet të organizuara mirë dhe të ndërtuara mirë, në rrethana të caktuara, bien në luftë qytetare? Si bëhet që një shoqëri e organizuar zhbëhet nëpërmjet shpërthimit të pasioneve luftënxitëse, urrejtjes dhe vullnetit për shkatërrim?
Këto pyetje Hobbësi i shtron në kohën kur në Angli bënte kërdi lufta qytetare e fetare midis viteve 1640 dhe 1660. Por ai përsiat për këto çështje dhe duke marrë parasysh luftërat fetare, midis katolikëve e protestantëve, një shekull më parë, në pjesën kontinentale të Europës, në Francë, në Holandë, në Perandorine e Shenjtë Romake-Gjermanike.
