Kryengritja shqiptare e vitit 1912 në dokumentet serbe
Libri: Kryengritja shqiptare e vitit 1912 në dokumentet serbe
Autor: Zekeria Cana
Botoi: Instituti Albanologjik i Prishtinës
Lektor: Mehmet Halimi
Formati: 17×24
Faqe: 622
ISBN: 9789951411561
Marrëveshja e përfunduar me udheheqësit e kryengritjes kundërosmane, ne vitin 1911, nga ana e qeverisë turke ishte heqje e dreadhise së moçme, mashtrim me premtime boshe për t’i qetësuar malësorët dhe per t’i kthyer në shtëpite e tyre. Ne qoftë se kjo qeveri në fill u përpoq ta ngushtonte hapësirën e zbatimit të marrëveshjes me kryengritesit shqiptarë, kurse më pastaj ua njohi koncesionet vetëm Sanxhakut të Shkodrës, nuk mori asnjë masë që do ta përmirësonte giendjen ekonomike.
Konsulli i Malit të Zi në Shkodër, Joviçeviq, e raportonte gjendjen në Vilajetin e Shkodrës të mjerueshme, kurse në vendet ku u zhvillua kryengritja, s’ka ku shkonte më keq. ndihej mungesa e madhe e ushqimeve, çmimi i drithit shkoi shumë lartë. Autoritetet nuk u dhanë malësorëve farën për mbjelljen e tokës. Semurja, që i ra bagëtisë, bëri kërdinë dhe ajo ua shteri atyre burimin kryesor të gjallëresës. Gjendjen e përkeqësoi edhe më shumë shtimi i taksave e mbledhja me dhunë e detyrimeve të tjera shtetërore.
