Libri: Gjuha e shkrimeve të vjetra shqipe (Shek. XV – XVIII)
Autor: Ragip Mulaku
Botoi: Instituti Albanologjik
Formati: 17x24cm
Faqe: 580
ISBN: 9789951596701

Studimi i shkrimeve të vjetra shqipe konsiderohet i një rëndësie të shumëfishtë për shkencat filologjike për arsye se nga njëra anë na mundëson ta njohim mirë gjendjen e moçme të gjuhës sonë të dokumentuar, si dhe të ndjekim e të ndriçojmë edhe fazat e zhvillimit, të ndryshimit e të pasurimit të saj që nga shekulli XV e këndej nga ana tjetër. Si i këtille, studimi i veprave të vjetra të shqipës për vlerën e veçantë që përmban si për gjuhësinë shqiptare, ashtu edhe për gjuhët ballkanike e indoevropiane, ka tërhequr kaherë vëmendjen e studiuesve shqiptarë, prandaj edhe vëmendjen time, që nga këndvështrimet shkencore të miat të hedh sado pak dritë në një varg çështjesh gjuhësore.

I kesaj tematike është dhe ky studim imi, nëpërmjet të të cilit mëtoj të shtjelloj sa më hollësisht gjithë sistemin fonetik dhe atë morfologjik të veprave të vjetra të shqipës së shekujve XV-XVIII.