Gjuha Shqipe 3/2012

Libri: Gjuha Shqipe 3/2012
Botoi: Instituti Albanologjik
Kryeredaktor: Qemal Murati
Faqe: 112

Bota shkencore shqiptare shënon sot 95-vjetorin e lindjes së akademikut Idriz Ajeti. Për herë të parë, një dijetar shqiptar i afrohet aq shumë shekullit të jetës! Lumturisht, në këtë jubile të lavdishëm, ai zbret dhe ngjit përditë shkallët deri në katin e pestë te banesës se tij pa ashensor, gëzon shëndet të mirë, kthjelltësi mendimi, giallëri krijuese dhe një veshtrim optimist për të ardhmen.

Fjalëpak e punëshumë, ai i ka dhënë dijes e shoqërisë shqiptare një pirg me vepra dhe shembullin e madh të dijetarit të përkushtuar për të vërtetën shkencore, për dritën e diturisë, që shpie drejt lirisë…