Libri i Madh i Kafshëve
Origjinali: Il Grande Libro degli Animali
Gjinia: Enciklopedi për fëmijë
Shqipëroi: Virgjil Muçi
Shtëpia botuese: Aeditions
Nga koralet te balena, nga kolibri te shqiponja mbretërore, nga koala te elefanti; në këtë libër tregohet bukuria e papërfytyrueshme dhe shumëllojshmëria e botës së kafshëve të egra dhe atyre shtëpiake. Një kartë identiteti nxjerr në pah të dhënat thelbësore për përmasat, habitatet, të ushqyerit dhe karakteristika të veçanta të kafshëve që përshkruhen në këtë libër.
Përveç informacioneve që kanë të bëjnë me biologjinë, libri sjell një numër të madh kërshërish rreth mënyrës së të jetuarit, sjelljes në shoqëri, si dhe rreth marrëdhënieve mes kafshës dhe njeriut. Një album i pasur me fotografi dhe ilustrime me ngjyra, të pasqyruara deri në hollësi, i japin dorë fëmijës t’i shohë kafshët me sytë e vet dhe t’i njohë më mirë dhe më nga afër. Më shumë se 160 specie kafshësh, nga më të njohurat tek më pak të njohurat, të përshkruara me hollësi dhe gjerë e gjatë, informacione të shpejta për 650 të tjera dhe në fund një tregues analitik i hollësishëm, që e lehtëson dhe e bën më të volitshëm konsultimin me çdo pjesë të librit.Mirësevini në botën e kafshëve!
