Autor: Imer Topanica

Imer Topanica është ndër poetët e gjeneratës së re i cili ka arritur të etablohet në mesin e lexuesve shqiptarë e spare.
Racionalizimi i çdo përmase të qenies njerëzore ka bërë që tash e sa dekada vendin e poezisë ta zënë zhanret e tjera letrare,sidomos romani.
Me këtë fenomen ballafaqohet më fort bota e industrisë çka, edhe sipas kritikëve të letërsisë,po ndikon varfërimin e imagjinatës
dhe të shijes estetike të lexuesve.Kjo gjendje ende s’e ka vërshuar shoqërinë shqiptare falë krijimtarisë
dhe prurjeve të poetëve siç është Imeri.Përmbledhja e tij e parë poetike prek sfera tejet të ndjeshme të njeriut si dhe, rrjedhimisht,
te lexuesi krijon një gjendje Shpirtërisht të iluminuar që madje e shtyn të depërtojë në horizonte më të thella të qenies vetjake.
“Shënime të pamjaftueshme”,ky vëllim poetik i radhës,reflekton vazhdimësi dhe pjekuri estetike,poetike e filozofike të poetit.
Emërtimi i përmbledhjes shenjon një modesti madhështore,për faktin se vetë poeti keto “shënime” i kundron si të pamjaftueshme
për ta përfaqur ndjenjën dhe mendimin origjinal.Kjo, mbase, për arsye se kur përjetimi a mendimi derdhet në shënim a shkrim,
apriori përjetohet njëfarë kufizimi semantik nga vetë detyrimi për t’iu nënshtruar domethënieve konvencionale të gjuhës dhe kulturës.