Magbethi

Autor : Avni Halimi

NGA JAHJA PASHA

Botues : Konica Press

Për botuesin : Halil Berisha

Redaktor : Fehmi Ajvazi

Recenzent : Sabit Rrustemi

Ilustrimi : Sibora Halimi

Redaktor artistik & disenji : Halil Berisha

Përgatitja kompjuterike : Focus Pro – Shkup

Shtypi : Focus Print

Përshkrim nga libri:

Në sallën blu të Stacionit Policor 13 , për pak çaste do të dëgjohen lavdëratat , falënderimet dhe përshëndetjet lamtumirëse . Dikush do ta mbajë fjalën e rastit për nder të pensionimit të Prushit . Një tjetër do të cktohet për ta dekoruar me medaljen ” Shqiponja ” ! Punëtorët teknikë do ta braktisin sallën blu sapo ta ngjesin edhe një parullë në fushën e bardhë të flaumurit të zi . Në një kënd të korridorit disa tavolina rrumbullake e paksa të larta , të mbushura me meze , me uiski e me gota plastike . Pas ceremonisë formale të gjithë do të turren kah këto tavolina . I shoqëruar me anëtarët më të ngushtë të familjes Prushi futet në sallën blu të Stacion . Në sallë vetëm familja e Murat Çaushit . Kështu quhej Prushi , ndërsa pothuajse askush nuk e njeh me emrin e tij të vërtetë . Kurrë nuk ishte prezantuar ndryshe përveçse me emrin Prushi . Një dridhmë e lehtë nis t’ia rëndojë këmbët . Pastaj edhe duart . Fillon të ndjejë sikur të ketë një lopatë prush në gjoks . Mezi gëlltit pështymën . Buzët shkrumb e ballin djersë të ftohta . I lë të familjes në sallë dhe ngadal del jashtë . Për herë të parë në jetë fillon të ndjehet i pafuqishëm , i thyeshëm , i papushtueshëm , të ndjehet si leckë , si limon i shtrydhur e i hedhur në pleh , ose si një karanfil mbi varr , skaj kryqit e nën diellin përcëllues . Nuk e ka të qartë : ky shqetësim vie për shkak të ndarjes nga shokët apo për shkak të pensionimit për të cilin kishte dëgjuar se është si një lloj qëndrimi gatitu para engjëllit shpirtmarrës . Një jetë të tërë ia kishte kushtuar këtij Stacioni , sektorit të shërbimit