Si të krijojmë marrëdhënie të dobishme dhe të fitojmë besimin e njerëzve

Mos harroni se lumturia nuk varet nga kush jeni apo çfarë zotëroni ; ajo varet kryekëput nga çfarë mendoni . Ndaj niseni çdo ditë duke menduar gjithçka për të cilën ia vlen të jeni mirënjohës . E ardhmja juaj ka për t’u varur thellësisht nga men dimet që ngjizni sot . Prandaj kini mendime vetë besimi , dashurie dhe suksesi . Dale Carnegie D ale Carnegie ishte nismëtar i asaj që sot njihet si lëvizja për zhvillimin e potencialit njerëzor . Mësimet dhe shkri met e tij kanë ndihmuar njerëzit anekënd botës për t’u bërë persona me vetëbesim , karakter dhe ndikim . Në vitin 1912 , Dale Carnegie ofroi kursin e tij të parë të të folurit në publik pranë YMCA – së në Nju Jork . Si në shumi cën e kurseve të të folurit në publik të asaj kohe , Carnegie e nisi fjalën me një leksion teorik , por shpejt vërejti se studentët dukeshin të bezdisur dhe të trazuar . Duhej bërë diçka . Dale e ndali leksionin dhe qetësisht iu drejtua një burri në radhët e fundit duke i kërkuar të ngrihej dhe të mbante një fjalim aty për aty lidhur me përvojën e tij . Kur studenti mbaroi , ai i kërkoi një tjetër studenti të fliste për veten , e vijoi kështu 7

Ndër zotësitë që do të mësoni në këtë libër janë:
• Si të bëheni një njeri karizmatik.
• Si të bëni miq të rinj dhe të mbani miqtë e vjetër.
• Si të ushtroni ndikim te njerëzit me të cilët ndërveproni duke krijuar një mjedis bashkëpunues, bashkërendues dhe kolegjial.
• Si të ndërtoni besim.
• Si të vlerësoni e të kuptoni karakteret e të tjerëve për të pasur marrëdhënie më të efektshme me ta.
• Si t’i shisni idetë, konceptet dhe sugjerimet tuaja lidhur me punën, lidhur me familjen e shokët dhe sigurisht me tërë njerëzit me të cilët keni lidhje.
• Si të veproni e reagoni kur keni të bëni me njerëz të vështirë.
• Si të mos pajtoheni pa qenë të mërzitshëm.
• Si t’i kuptoni dhe t’i zotëroni emocionet tuaja duke arritur të kuptoni emocionet e të tjerëve.