Titulli : Hije të zgjatura – Tregime letrare
Titulli i origjinalit: Uzayan Gölgeler
Autor: Emine Batar
E përktheu nga turqishtja: Fjorda Çeko Shalqini
Redaktor gjuhësor: Musa Bushrani
Korrektore: Agjire Tahiri
Dizajner i kopertinës: Avni Gashi
Faqosës: Emir Hukallo
Botues: Fleta

I vëzhgoi ata që ecën nën dritën e zbehtë të ndriqimit të qytetit. Miku i tij i vetëm ishte zhdukur për një çast. Priti që njëri prej atyre që ikën të ndalet, të shikojë në dritare dhe t’ia bëjë me dorë. Kafeja ia kishte turbulluar lukthin. Kollitej sepse gjatë tërë ditës kishte qëndruar i lagur. E fshiu xhamin që ishte avullosur nga frymëmarrja e tij.

Rruga sa shkonte e boshatisej dhe pakësoheshin zërat e automjeteve. Rinisën reshjet e shiut. Gropat u mbushën dhe u zhdukën të gjitha gjurmët në rrugë. Pikat që i lagnin xhamat, e humbnin formën e tyre dhe rridhnin teposhtë: lotët e një zane zemërmirë, i ledhatonin flokët e vajzës që qëndronte pas xhamit.