Rexhep Tajjip Erdogan, Lindja e një lideri
Titulli: Rexhep Tajjip Erdogan, Lindja e një lideri
Autori: Hüseyin Besli, Ömer Özbay
Botuesi: Botimet 55
Përkthyesi: Rubin Hoxha
Faqe: 422
Të gjithë kanë nga një histori, pa dyshim. Por disa njerëz kanë me mijëra… Rexhep Tajjip Erdogan është njëri prej këtyre. Ndoshta ai është më në krye të atyre që gjenden në qendër të vëmendjes shoqërore. Nga vetë emri, ai është kryeministri. Ai na sheh të gjithë ne, por ne e shohim më shumë atë. Me dashuri apo urrejtje, me admirim apo zemërim, me shpresë apo me frikë, të gjithë e ndjekim me vëmendje.
Rexhep Tajjip Erdogan është subjekt i aktualitetit të këtij vendi prej vitesh. Që prej tetë vjetësh është kryeministër i vendit. Nuk ka njeri që s’e njeh, e kemi gjithnjë para syve. Kamera, fotografi, shkrime, karikatura e përcjellin atë vazhdimisht tek ne. E shohim më shpesh se ç’shohim të afërmit tanë dhe e njohim më mirë se miqtë tanë. Herë zemërohemi me të, herë jemi krenarë për të. Gjithçka që bën, gjithçka që thotë dhe thuajse edhe çka nuk bën, na interesojnë së tepërmi; duam të dimë gjithçka për të. Çdo mjet komunikimi i bart ujë kësaj etjeje tonë të panginjur.
Akoma më shumë na bren kureshtja dhe akoma më shumë mësojmë. Mjeshtëria e çdo pene i shton diçka të re imazhit të Rexhep Tajjip Erdoganit në imagjinatën tonë si dhe na kujton diçka që mungon. Me trishtim kuptojmë se ato çka kujtojmë se i dimë më së miri, në fakt në përgjithësi janë ato çka dimë më së paku.
Gjithmonë thyhemi aty ky jemi më të fortë. Gjendemi shumë pranë dhe shumë larg Rexhep Tajjip Erdoganit. E nisëm këtë libër me synimin për të zbutur sadopak këtë ndjenjë mungese në fjalë. Vetëm në mbarim të tij kuptuam se në fakt e kemi shtuar atë.Kënga ende s’kish mbaruar…
Ndaj ky libër flet për historinë e një vendi, e një njeriu dhe të së “tashmes”. Çka rrëfehet është historia e të gjithë neve; historia e njeriut që po shkruan historinë e të gjithë neve…
I jemi mirënjohës kujtdo që nuk e ka kursyer mbështetjen gjatë shkrimit të këtij rrëfimi që përbëhet
vetëm nga dëshmi. I falënderojmë të gjithë.
Rexhep Tajip Erdogan u bë Kryeministër i Turqisë më 14 mars 2003, pesë ditë pasi fitoi në zgjedhjet e përsëritura në provincën Siirt. Udhëheqës i Partisë për Drejtësi dhe Zhvillim (AKP), Erdogan mori kontrollin e funksionit të Kryeministrit nga zëvendëskryetari i partisë së tij, Abdullah Gul, i cili kryesoi qeverinë pas fitores së përgjithshme të AKP-së në zgjedhjet e nëntorit 2002. Me të ardhur në pushtet, Erdogan ka shprehur haptas Politikën e Turqisë për Bashkimin Evropian. Ka nënshkruar disa marrëveshje me Bashkimin Evropian,, dhe ka bëre ndryshime ligjore në favor të bashkëjetesës sociale dhe kulturale. Insistimet e Turqisë për të anëtarësuar në BE, bëri një përshtypje të ri që Turqia u orientua kah Perëndimi.
Hüseyin Besli, Ömer Özbay
