Autori : MUHAMED IBN ADEM EL –KEVTHERIJ
Përktheu : Osman Osmani
Redaktor : Bujar Vërbovci
Boton : Sira ,Prishtinë

Islami si një fe e plotësuar paraqet dhe ofron udhëzime dhe këshilla në çdo aspekt të jetës, si në pastërti dhe falje,
në rregullime tregtare, në martesa dhe ligje të trashëgimisë.Ka pak hapësirë për ndarjen e religjionit nga shteti, edhe pse,
Islami insiston në respektimin e spektrit të plotë të mësimeve të tij-nga çështjet fondamentale të besimit dhe adhurimit,
në transaksionet financiare, edukatën shoqërore, devotshmërinë dhe moralin.
Është ide e gabuar të mendohet se Islami është i përkufizuar vetëm në forma të veçanta të adhurimit dhe nuk ka të bëjë asgjë
me çështjet shoqërore, martesën, divorcet, politikën, ekonominë etj. Me një studim të thjeshtë të Islamit mund të vërejmë se një pjesë e madhe
e ligjit islam ekziston për t’i adresuar këto çështje. Islami nuk e neglizhon një nga çështjet më private në jetën e individit,
përkatësisht, marrëdhëniet intime në mes të burrit dhe gruas. Rregulla të detajuara dhe eksplicite lidhur me sjelljet seksuale
mund të gjenden në Kuran, sunet dhe në punime të dijetarëve klasikë.