Unaza e pëllumbeshës – për dashurinë dhe të dashuruarit

Libri: Unaza e pëllumbeshës – për dashurinë dhe të dashuruarit
Autor: Ibn Hazm el Andaluzi
Përktheu: Ilir Haxhiaj
Korrektor: Fabian Shaba
Përgatiti për botim: Bashkim Avdiu
Botoi: Shtëpia Botuese “Nektari”
Shtypi: Focus Print – Shkup
Formati: 14x22cm
Faqe: 416

Në thelb një trajtesë mbi dashurinë dhe të dashuruarit, vepra është një rrëfim i këndshëm i kompleksiteteve, ndërlikimeve, skandaleve dhe rreziqeve që lidhen me dashurinë romantike. Autori, Ibn Hazm (456 hixhri) ishte një polimat, dijetar, historian, teolog dhe poet andaluzian, megjithatë, kjo është vepra e tij e vetme letrare e mbijetuar.

Libri është i ndarë në tridhjetë kapituj. Nga këta, dhjetë lidhen me parimet themelore të dashurisë, i pari është kapitulli ‘Natyra e dashurisë’; i dyti ‘Shenjat e dashurisë’. Pas këtij vjen kapitulli ‘Të biesh në dashuri kur je në gjumë’; më tej kapitulli ‘Të biesh në dashuri nëpërmjet përshkrimit’; pastaj ‘Dashuria me shikim të parë’; ‘Dashuria pas një shoqërimi të gjatë’; ‘Aluzionet me fjalë’; ‘Shkëmbimet me fjalë’; ‘Letërkëmbimet’; dhe së fundmi (nga dhjetëshja e parë), kapitulli ‘Korrieri’. dhe
dh
Ndarja e dytë e librit përfshin dymbëdhjetë kapituj rreth peripecive të dashurisë, dhe atributeve të saj të lavdëruara dhe të qortueshme. Kjo ndarje përbëhet së pari nga një kapitull rreth ‘Shokut ndihmues’, pastaj nga kapitulli ‘Bashkimi’, më pas ‘Fshehja e sekretit’; më tej ‘Zbulimi dhe nxjerrja e sekretit’, ‘Bindja’, ‘Kundërshtimi’, ‘Ata që kanë rënë në dashuri me njëfarë cilësie dhe më pas nuk kanë dashur gjë tjetër të ndryshme nga ajo’, dhe kapitujt ‘Besnikëria’, ‘Tradhtia’, ‘Tretja’ dhe ‘Vdekja’.

Në pjesën e tretë ndodhen gjashtë kapituj rreth belave të dashurisë. Këta kapituj trajtojnë përkatësisht çështjet: ‘Kritikuesi’, ‘Përgjuesi’, ‘Intriganti, ‘Ndarja përfundimtare’, ‘Shkëputja e përkohshme, dhe ‘Harresa’.