Ndikimi i anglishtes në gjuhën shqipe

Libri: Ndikimi i anglishtes në gjuhën shqipe
Autor: Vesel Nuhiu
Botoi: Akademia e Shkencave dhe e Arteve e Kosovës
Lektor: Sylë Osmanaj
Formati: 17x24cm
Faqe: 336
ISBN: 9789951615112

Libri që po sjellim para lexuesit merrët tërësisht dhe vetëm me “Ndikimin e gjuhës angleze në gjuhën shqipe”. Ai paraqet rezultatet e hulumtimeve të autorit profesor dr. Vesel Nuhiu në këtë fushë. Dy studimet që përbëjnë boshtin e librit janë pjesë të një tërësie relativisht kompakte dhe janë bërë në një kohë të caktuar dhe me një metodolog të njëjtë.

Autori e ka ndjekur rrugën e mentorit të tij akademik Rudolf Filipovic nga Universiteti i Zagrebit, studiues i njohur në fushën e kontakteve të gjuhëve dhe konkretisht në studimin e elementit anglez në gjuhët e Europës. Horizonti teorik i këtyre studimeve është ai që tashmë njihet si klasik në fushat e bilinguizmit dhe të sociolinguistikës të Uriel Weinreichut dhe të Einar Haugenit.