Autor : Vasil Naçi
Ky libër përbën një kod , një enciklopedi , një set rregullash e këshillash të sjelljeve të pëlqyeshme e të mençurisë në komunikim , që përbëjnë çelësin e suksesit në jetën tonë personale e ate profesionale . Në mënyrë shumë të natyrshme , të këndshme . lehtësisht të lexueshme e të kuptueshme , në rrethana e situata të ndryshme , me të cilat secili prej nesh përballet vazhdimisht gjatë jetës dhe karrierës sonë dhe me shumë delikatesë , ky libër na ofron një spektër të gjerë këshillash e sugjerimesh . Çdo ditë ne ofrojmë apo konsumojmë sjellje të pëlqyeshme ose të papëlqyeshme , ndaj autori me të drejtë këmbëngul që të jemi ” besnikë ” të reflektimit të vazhdueshëm , të ndryshimit dhe zëvendësimit urgjent të ” së keqes ” me ” të mirën ” , të pranimit , përsëritjes dhe praktikimit të sjelljeve të pëlqyeshme , derisa ato të na kthehen në shprehi dhe zakone të mënyrës së jetës . Ky material bëhet edhe më i fuqishëm , më i natyrshëm , më i besueshëm , por edhe më lehtësisht i pranueshëm , pasi duke pasur fatin ta njoh nga afër autorin si njeri , si profesionist , jam dëshmitar se ai vetë , me sjelljet dhe veprimet , punën dhe karrierën . me mënyrën e tij të jetesës , ka arritur që të jetë një shembull ” i gjallë ” i sjelljeve të pëlqyeshme , në familje , fqinjësi e biznes . në Shqipëri , në rajon e më gjerë . Dëshmia më e bukur është vetë ” Agna Group ” , një organizatë e suksesshme e vizionare , ku diferencën e bëjnë jo thjesht brandet e fuqishme , por njerëzit që ajo ka dhe vlerat e tyre . Ndaj ky libër tejkalon përmasat e një manuali të sjelljeve të pëlqyeshme . Struktura dhe përmbajtja e librit , të fisnikëruara me citate e thënie të autorëve të njohur dhe përvoja të veçanta , të mbajnë të etur e pa frymë për ta lexuar atë deri në germën e fundit , për të thithur , kuptuar e përvetësuar çdo këshillë e sugjerim të tij
