Nga Neil deGrasse Tyson
Përktheu : Ilir Pustina
Shtëpia Botuese : ISBN
Vitet e fundit , zbulimet astronomike të denja për faqet e para të gazetave kanë filluar të shfaqen me një frekuencë pothuaj javore . Teksa ndjekësit e lajmeve në media mund të kenë zhvilluar një interes për universin , ka të ngjarë që edhe mbulimi i zgjeruar mediatik të reflektojë oreksin e shtuar të publikut për shkencën . Evidencat për këtë janë të bollshme , nga spektaklet televizive të frymëzuara apo të bazuara në informacione shkencore , deri te suksesi i filmave fantastiko – shkencor me pjesëmarrjen e yjeve të kinematografisë dhe të sjellë në ekran nga producentë dhe regjisorë të famshëm . Kohët e fundit , filmat biografikë mbi jetën e shkencëtarëve me emër janë kthyer në një zhanër kinematografik . Gjithashtu , ka një interes të shtuar në drejtim të festivaleve shkencore , të konferencave të fanta shkencës , si dhe dokumentarëve shkencorë televizivë . Filmi me arkëtimet më të larta i të gjitha kohërave është realizuar nga një regjisor i famshëm , i cili i vendos ngjarjet në një planet që rrotullohet rreth një ylli të largët , dhe rolin e astrobiologes e luan një aktore e famshme . Ndonëse shumë degë të tjera të shkencës kanë ngjitur disa pozi cione në interesin e publikut të gjerë , fusha e astrofizikës 9
