E kaluara në poezinë tonë popullore

Libri: E kaluara në poezinë tonë popullore
Autor: Fazli Syla
Botoi: Instituti Albanologjik
Lektor: Hysen Matoshi
Formati 14x20cm
Faqe:378
ISBN: 9789951596756

Prof. dr. Fazli Syla është personalitet i rëndësishëm i kohës sonë, veprimtaria e të cili ka një shtrirje të gjerë në shumë fusha të arsimit, të shkencës, të kulturës dhe të jetës shoqërore në Kosovë. Që nga mosha e rinisë, si student, ishte edukator konviktit të Shkollës Normale të Shkupit, pastaj u bë mësimdhënës dhe drejtor i Gjimnazit në Prishtinë e më vonë edhe profesor universitar në Fakultetin Filologjik të Universitetit të Prishtinës. Në jetën shkencore dhe kulturore kreu një varg detyrash, duke filluar nga Redaksia e Kulturës në Radio Prishtinë, detyrat udhëheqëse në Bibliotekën Kombëtare dhe Universitare të Kosovës, udhëheqës i Bashkësisë Vetëqeverisëse të Shkencës të Kosovës, ministër i Ministrisë së Arsimit, Shkencës dhe të Kulturës në Qeverinë e Kosovës, pastaj zëvendës-drejtor e drejtor në Institutin Albanologjik të Prishtinës, etj. Në të gjitha këto angazhime dhe detyra udhëheqëse ai punoi me përkushtim të madh, dëshmoi suksese të konsiderueshme dhe la pas veti emrin e një punëtori shembullor për të mirën e përgjithshme të popullit të tij.