Titulli: 200 Sekretet e suksesit
Titulli i origjinali: The Top 200 Secrets of Success and the Pillars of Self – Mastery
Autori: Robin S. Sharma
Përktheu: David Hudhri
Shtëpia botuese: Onufri
Fq. 94
Fragmente nga libri
“Përsosmëria është arti që fitohet nga stërvitja dhe përpunimi i zakoneve. Ne nuk veprojmë drejt sepse kemi virtyt apo përsosmëri, përkundrazi, ne i kemi ato sepse kemi vepruar drejt. Ne jemi ajo që bëjmë në mënyrë të përososur. Përsosmëria, pra, nuk është një veprim, por një zakon.” Arsitoteli Dija është fuqi. Njerëzit që kanë arritur sukses, nuk janë medeomos më të aftë ose më inteligjentë se të tjerët. Ajo që i ndan është dëshira e tyre e zjarrtë dhe etja për dije.
Sa më shumë të dini, aq më shumë arrini. Liderët e mëdhenj kanë teknika që i lejojnë të arrijnë majën e malit. Lexoni biografitë e liderëve te mëdhenj dhe mësoni nga zakonet e tyre, frymëzimet dhe filozofitë… Kur të zgjidhni partnerin e jetës, kujtoni që ky është vendimi më i rëndësishëm i jetës tuaj. Martesa ju jep 90% të mbështetjes, lumturisë dhe arritjeve, kështu që zgjidhni me mençuri.Merrini në konsideratë cilësi si dashuria, sensi i humorit, inteligjenca, integriteti, pjekuria, temperamenti, përshtatshmëria dhe ajo karakteristika e papërshkrueshme e tërheqjes së dyanshme…
Merreni shtruar dhe mos lejoni njeri t’iu shpjerë në një vendim të nxituar. Mbusheni dhomën me lule me ngjyra të ndezura, të freskëta. Ky është një nga investimet më të mira që mund të bëni. Lërini tingujt e muzikës së bukur, të qeshurat e forta dhe gëzimin të mbushin oazin e shtëpisë suaj. Familjariteti shkakton përbuzje, është një rregull i mirë. Yjet qëndrojnë lart mbi tokë.
Duhet të mbani distancë nga të gjithë, përveç lidhjeve tuaja më të ngushta. Nëse njerëzit shohin gjithçka te një udhëheqës, ai e humb aurën e tij dhe bashkë me të, autoritetin dhe misterin që mund të ketë krijuar. Për shembull, Ronald Regan ishte i njohur nga të gjithë si një lider i shkëlqyer. Ai e krijonte me kujdes imazhin e tij si politikan popullor, i respektueshëm, i cili i vinte interesat e Amerikës mbi gjithçka në mendjen e tij. Në mbledhjet e liderëve të botës, ai tërhiqte vëmendjen dhe respektin, me kostumet e tij të errëta, i rrethuar nga simbole të pushtetit si këshilltarë politikë, oficerë sigurie dhe një autokolonë me limuzina. Sapo shfaqej, ai të impononte autoritet dhe pushtet.
E keni parë ndonjëherë presidentin pa bluzë duke notuar në pishinën e tij? Po me rroba shtëpie pas një gjumi të gjatë, me flokët e shpupuritur dhe me mjekër të rritur? Bashkëpunëtorët e Reganit nuk lejonin asnjëherë shfaqjen e pamjeve të tilla, sepse prishnin imazhin e autoritetit. Kombi amerikan nuk ishte i ekspozuar ndaj këtyre gjërave. Në epokën e Klintonit gjërat ndryshuan dhe ju mund të shikonit presidentin duke ngrënë hamburger Big Mac dhe duke mbajtur kapele bejsbolli me kostum. Ndërsa këto skena mund të duken të dashura për publikun, nuk ka dyshim që Presidenti Klinton ishte më i afërt me ne, gati njëri prej nesh, dhe ndryshe nga yjet më sipër, më afër tokës.
